من أنا

صورتي
يامن سألتِ الناس عني إنني = رجلٌ جنون العشق في صفحاتي

الثلاثاء، 24 ديسمبر، 2013

حن القصيد .. !

 

 

1526747_566448553433195_1495477237_n

 

حن القصيد وصاحبي ما بعد .. حن

حتى اختلط دمعي وصادق .. مدادي

ياما ضناني الشوق واتعبني .. الظـن

وياما فقد جفنـي .. لذيـذ الرقـادي

الشـوق لــه فــمٍّ بسـمـع الحـشـا .. زن

لا جــن ليـلـي فــز شـوقـي .. يـنــادي

يسرق تفاريحي ويترك لـي .. الـوَن

يقاسـم الـذكـرى بقـايـا .. سـهـادي

وآنـا لـوحـدي فــي الـعـذاب .. آتـلـوَّن

أشـوف طيفـه بـيـن قــادم .. وغــادي

أقـول بـاكـر كــل شــي .. يتحـسـن

واشـرب مـرار الصبـر والحـلـم .. زادي

وآشوف باكر في تجافيه ما .. كَن

مـثـلـه مـلــزِّم فـرقـتــي .. وابـتـعــادي

يـا ويــل قلـبـه لا قتلـنـي ولا .. حــن

مـرتـاح ضـامـن مـــا يـخـونـه .. ودادي

صحيح قالوا لا تمسكن .. تمكَّـن

مسكين لكن في يدينه .. قيـادي

والله أحبه حب في الناس مـا .. طـن

لامَـس يقينـي واحـتـواه .. اعتـقـادي

حبـه هنـا .. بـيـن الحنـايـا .. تـوطَّـن

سوره ضلوعـي ومنزلـه فـي .. فـؤادي

مـا همنـي لا قالـت الـنـاس .. منـجـن

مثلـي علـى مثـلـه اذا انـجـن .. عــادي

همـي يقولـوا لـه اذا موعـدي .. جَــن

وطــاح اسـمـي قـبـل ألـقـى .. مــرادي

للوصل فن وللجفـا فـي الهـوى .. فـن

وبينـهـم الاثنـيـن .. ضــاع الـسـوادي

 

1508024_566448543433196_1771511829_n

 

السبت، 21 ديسمبر، 2013

سكبك الريح

 

 

imagesCAFWCCQR

 

 

نثرت الملح ذكرى فوق جرحك يـا رفيـق الضيـم

ونـار(ن) فـي مـسـار الــدم مـداهـا .. جــاوز أضـلاعـي

رغـم قيـض الفـراق أشـوف فـي قـفـر الأمـانـي غـيـم

خيـال(ن) فــارد(ن) ظـلـه يعـانـد .. واقـعـي الـواعـي

سكبك الريح في روحي عطر من ذكريات الهيم

أشـمـك وابتـسـم .. وادري بقلـبـي للـولـه ... نـاعــي

سكبك الريح ليت الريح ياخذك لحنايا الريـم

وأنا ادري مثل ما تدري .. فراقـك .. بعثـر أوضاعـي

يسوق الذاكـرة كنِّـي سفينـة .. والبحـر .. ترنيـم

يوجِّـه دفتـي ساعـة .. وساعـة يكـسـر .. اشـراعـي

سقيتك حلـم لا تذبـل زهـوره و افقـد .. التصميـم

رميتك ياس في بحر الرجا واهديتك .. اوجاعـي

وعشتك في خيالـي طيـف يعلمنـي فنـون .. التيـم

يرافقـنـي مــن حــدود السـعـادة لعـضـة .. اصـبـاعـي

أنا بعدك طفـل ضايـع يتيـم(ن) والحنيـن .. يتيـم

أبـي حـضـن الـدفـا يجتاحـنـي مــن راســي .. لقـاعـي

صحيح إني أعيشك حلم ولغز(ن) بالغ .. التعتيـم

ولـكـن دنيـتـي مــن دون حلـمـي ..... مـالـهـا داعـــي

الأحد، 27 أكتوبر، 2013

ودي أكتـب فيـك شـي

 

 

57414_imgcache

القـلـم مــن حــد ضـلـع .. سـنَّـه الـوقـت وبــرى

ودواة الحـبـر دمـــع .. خـالـطـه نـــزف الـوريــد

ودي أكتـب فيـك شـي .. عمـر أمـه مـا انـقـرى

مـا طـرى لشيطـان شعـر ولا تباهـى بــه قصـيـد

شفـت شيطانـي خذلنـي وعــاذره .. لــو مــا دري

كل معنى فيـك يولـد.. ينتهـي بعـدك فقيـد

يـدري إن الليـل بعـدك حــط حيـلـه مــا ســرى

ويدري ان البـدر دونـك يـا بعـد عمـري شهيـد

ينـتـهـي حـــد الـخـيـال وتـــوَّه احـسـاسـه .. ذرى

زارع الفكره لعينك وانتهـى كلـه .. حصيـد

وش يقول وهـو يشوفـك يـا ورى .. غيـر الـورى

وانت مثل الشمـس كـل مـا قاربـت تبعـد بعيـد

جاب فكره عاف فكره باع فكره .. واشترى

وانتهى فكر المفكـر واكتشـف إنـه .. بليـد

ما ألومه لأن وصفك .. لو عَـدَل فيـه .. افتـرى

كل ما يعطيك وصـف .. اقاطعـه واقـول .. زِيـد

الأربعاء، 16 أكتوبر، 2013

انثـري شعـرك

 

 

 

انثـري شعـرك علـى العـاتـق وميـلـي

واجعـلـي الدنـيـا مــع ميـلـك تـمـيـل

وارسمي البسمـة علـى ثغـري وشيلـي

من عيوني الحزن بالطرف الكحيل

سولفـي لـي داعبيـنـي وارقـصـي لــي

سمعيـنـي شـعـرك الـعـذب الجمـيـل

ازهـلـي الدنـيـا تــرى هالـلـيـل لـيـلـي

عطـلـي السـاعـة تــرى وقـتـي قتـيـل

دام جـيـلـك مـــا خُـلــق إلا لـجـيـلـي

ازهـلــي الـدنـيــا وقــولــة مسـتـحـيـل

السبت، 12 أكتوبر، 2013

موازين الهوى

 

 

 

dfgh

 

هـــز قـلـبـي قــــافٍ .. اعــشــق قـايـلــه

يـنـثــر الابــــداع .. مــــن دم الــوريــد

بـــــه مــوازيـــن الــهـــوى .. مـتـمـايـلــه

كـــل مـــا حـــاول يعـدِّلـهـا .. تـحـيــد

مـــــــا درى إن الـــغــــرام .. اســتــايــلــه

فــي قـلـوب الـنـاس .. ســادات وعبـيـد

فـــيـــه مــغــتــالٍ .. يـــدلــــل غــايــلـــه

والفقيـد يـذوب .. فــي عشـقـة فقـيـد

مـــــن يــقـــول إن الـمـحـبــة .. زايــلـــه

ران قـلـبـه .. والمـشـاعـر مـــن جـلـيــد

ومــن يـشـوف الـحـب .. دمـعـة سـايـلـه

يندفـن فــي عـالـم أحـزانـه .. وحـيـد

والـمـتــيَّــم .. لا غــــــدى لا راي لــــــه

لــو يـطـول النـجـم.. مــا يحـيـا سعـيـد

أتــعـــس الـعــشــاق .. قـــلـــبٍ عــايــلــه

فـاقـدٍ رسـنـه .. وهــو فـــي يـــد غـيــد

رايـــحٍ حـلـمـه .. وهـمــه .. جـــاي لـــه

لا غفـى لـه طـرف .. والخاطـر شريـد

لا هــــو بـيـاعــه ولا هــــو .. كـايـلــه

ولا هو اللـي زارع وكاسـب .. حصيـد

الــقـــلـــوب الــعــاشــقــه .. مـتـفــايــلــه

كــل قـلـبٍ حَـــب .. عـــز الله فـريــد

لــو صــروف الـوقـت .. ضـــده حـايـلـه

تنتـهـي والـحـب عـزمـه .. مــن حـديـد

مـــا عـلـيـه مـــن الــزمــن .. و هْـوايـلــه

صــامـــلٍ قـلــبــه ولـــــو زاده .. يــزيـــد

والـجـفــا .. يــلــوي الــــذراع الـطـايـلـه

قبضتـه تضغـط .. علـى قـلـب العنـيـد

يـــــا يـجــيــه بــضـــد والاّ.... حـايَــلَــه

والـرخـا فــي بـعـض حـزَّاتـه .. مـفـيـد

يـحـرقـه شــوقــه لــوصــل .. الـنـايـلـه

كـن قلبـه جمـر واضلاعـه .. جـريـد

ذابــحــه .. لــكــن بــصـــدره شـايــلــه

يشتـكـي مـنَّــه .. ولـــه قـلـبـه يـقـيـد

كـالـطـفـل يــومـــه بـلــيــا .. عـايــلــه

كـل هـمـه فــي حيـاتـه بــس .. ديــد

يـحـسـب الـدمـعـة .. مصـيـبـة هـايـلــه

ويحسب الضحكه .. بعينه ألف عيد

لــو سـمـوم الـهـم غـصـب .. تكـايـلـه

تـلــعــب بـقـلـبــه .. يــدوِّنــهــا نــشــيــد

لا غـدى حبـك .. كشمـس القايـلـه

تحرقك.. وإن جيـت تاصلهـا .. بعيـد

احـتـريـهــا لــيـــن تـــغـــرب .. مــايــلــه

والـشـفــق مـنــهــا وفـيــهــا.. يـسـتـزيــد

نــعــســة الــعــاشــق .. أمـــــــانٍ آيـــلــــه

غمِّض عيونـك .. وشـوف اللـي تريـد

راح تـلــقــى فـــــوق .. مـــــا تـتـخـايـلــه

ثـم تصحـى .. لجـل تبـدا مـن جـديـد

الــهـــوى مــنــهــو يـــحـــل .. مـسـايــلــه

لــو تـحـب تصـيـر فــي درســه .. بلـيـد

لا غـــدت نـــاره بـصــدرك .. صـايـلـه

ويــن مــا قـبَّـلـت يـــا صـالــح .. شـهـيـد

سلحـفـة وألــف عـقـرب

 

 

 

1012298_395587790552202_974501352_n

 

 

يـا قـلـب لا تحـسـب ضلـوعـي منـاديـل

يمـيـن لــو لامـسـت ضلـعـي اتـكـهـرب

مبكيـك أوقـد فـي الحنايـا قناديـل

قــفَّــل مـخـارجـهـا ولا فــيـــه مــهـــرب

تبكي .. تون .. تصيح يا قلة الحيـل

إمـلا كـؤوس الصبـر بالصِبـر واشــرب

وإكتـب  قصايـد شعـر ودنـدن مواويـل

غنـي : ترانـي بــس لغـنـاك .. أطــرب

وش يرتجي المنحـوس غيـر الغرابيـل

أجـرب عـشـق أجــرب ولا طــال أجــرب

أحلامـه صـارت مـن قِدمـهـا .. تماثـيـل

لا هــي بعـيـدة ولا نــوت يــوم تـقــرب

ضيقه..قلق..هوجاس..يا وحشة الليل

الوقـت صايـر سلحـفـة وألــف عـقـرب

الجمعة، 11 أكتوبر، 2013

عديل الروح .. (حصري)

 

 

zzzzzzzzzzzzzzzzzzzzzzzzzzzzzzzzzzzzzzzzz

 

يسألوني النـاس عـن معنـى .. غلاتـه

والحـشـا لـــه أرض .. والـخـافـق مـقــر

هو عديـل الـروح .. مـا يسـوى سواتـه

بــيـــن خــلـــق الله جـــــنٍّ أو .. بــشـــر

لو صباحي .. ما حضن بسمة شفاتـه

صـدقـونــي .. يـنـتـهـي يــومــي قــهــر

هو تمـام الصبـح فـي رقـة .. صفاتـه

اسـألــوا العـصـفـور عـنَّــه .. والــزهــر

ينكسر قلب المسا .. لو بس .. فاته

و الله مـــا تـرضـيـه نـجـمــة أو قــمــر

هـو نديـم الليـل واجـمـل .. امسيـاتـه

هو حديث الصمت فـي ثغـر .. السهـر

هو حياتـي .. ليتنـي فـدوة .. حياتـه

أعشقـه .. مــن قـلـب قلـبـي .. للنـحـر

تـدروا إن البسمـة مـن سـكَّـر نبـاتـه

تستـحـث الـشـمـس لأحـضــان الـبــدر

وإن شعـره ينكسـر داخــل .. عبـاتـه

انكسـار الـنـور .. فــي سـطـح البـحـر

فــي عيـونـه .. لـمَّـة القـلـب وشتـاتـه

ساكنـه روحــي .. بهالـطـرف الأغــر

الشفـق واقـف .. علـى سـاحـل لهـاتـه

والـشــهــد مــوجـــه .. ومـرجــانــه درر

والله لـــو يـنـثـر لهالـعـالـم .. فـتـاتـه

مـــات فـيــه الــشــر والـخـيــر اسـتـقــر

دون كـل النـاس لـه عنـدي التفاتـه

تــرفـــع الـدنــيــا وتـعـفـسـهـا حــــــدر

حتى دربي ينتشي بحطـة .. خطاتـه

المـسـار القـفـر مـــن بـعــده .. خَـضَــر

لـو خلطنـا طبعـه بـروعـة .. حـلاتـه

يظـهـر الإعـجــاز فـــي أبـهــى الـصــور

الثلاثاء، 8 أكتوبر، 2013

مكـسـور الـجـنـاح

 

 

almstba_com_1360501665_173

 

الـزعــل مـــا بيـنـنـا .. مـثــل الـسـحـابـه

غـيــم لامـــس جــوَّنــا لـحـظــة .. وراح

إن خطـيـت الـعـذر .. يــا تــاج المهـابـه

وإن خطيتـي .. قبـل تخطـيـن السـمـاح

لـيـل عـــدى وانـقـضـى .. بـلـيـا إجـابــه

لا غفـى جفـنـي .. ولا القـلـب اسـتـراح

الـدقـايـق .. تـلـبـس اثــيــاب الـرتـابــه

والهجـوس .. احـتـل فـكـري واستـبـاح

زم قلـبـي فــي مجاهيـلـه .. وســرى بــه

انـقـضــى لـيـلــي .. ولا أطــلــق ســـــراح

نعنبـو الهـاجـوس .. تنهشـنـي كـلابـه

كـــل مــــا غـمَّـضــت .. زادت بـالـنـبـاح

يـا غلاتـي .. صاحبـك ينشـد صـوابـه

فـي ضلـوعـه طـفـل مــا مــل .. الصـيـاح

هدهـديـه ولا تـزيـدي فـــي .. عـتـابـه

إنتـي طـبـه .. كـيـف تهـديـه الـجـراح

الفـرح مـن غيبتـك .. مسـدل حجابـه

والـحـزن فــي داخـلـي .. حـصَّــل مـــراح

ضاق صدري .. والصبر كمَّل .. نصابه

والـحـجـر الــلــي بـهـالأضــلاع .. ســــاح

يــا ســلاه .. ويــا غـنـاه .. ويـــا عـذابــه

لا مـتـى هالقـلـب .. مكـسـور الـجـنـاح

صـرت بعـد الـعـز .. فــي بـنـد الغـلابـه

والـعـزيـز الـلــي بـنــن الـعـيـن .. طــــاح

كان في قلبك مـن اللوعـة .. اصابـه

يشهـد الله قلبـي كـل مــا دق .. صــاح

والله إن اللـيـل مــن دونـــك .. كـآبــه

مـن رحلـتـي .. مــا لـمـح وجــه الصـبـاح

تتكي عالقلب

 

 

934975_673300326020035_2013325094_n

 

تتكي عالقلب وتشب الضلوع

وِتِّقهوى دمع من عيني سكبته

ثم تتركني ولا سدِّيت جوع

كنِّي شي(ن) كنت تبغاه وتركته

كنت تسميني على الطاري شموع

بس هذا اليوم معناها .. فهمته

اني أضوي دنيتك واذوي والوع

وانتهي واصير لك كرت وحرقته

وآنا لولا قلب في صدري قنوع

والوفا اللي وسط جيناتي ورثته

كان جرَّعتك مرارات الخضوع

واحتويتك مثل عصفور(ن) قضبته

للأسف مبداي كاسيه النصوع

من هجرني لو شرى وصلي هجرته

انتهينا وافترقنا .. لا رجوع

علها الأيام تصلِح ما كسرته

كلك تغيَّرت

 

 

251534527 

 

تزعل تضيق تنفلق ما همني وهمَّك

ما دمت صادق معاك وصافي النيه

مدري تغليت مدري عاذلي سمِّك

كل اللي أدريه أوضاعك ماهي هيَّه

ما عدت تشتاق لي وماعدت أنا همِّك

وأمست مشاعرك في حبي رماديه

تصدني بالجفا وساعة بثقل دمِّك

وش فيك أصبحت تهواني بمزاجيه

حتى الكلام الحلو ما ينطقه فمِّك

صارت سوالفك وياي انفعاليه

نسيت حالتك يومي بلهفتي آضمك

ترجف عظامك وعينك شبه مغميه

نسيت قلبٍ بصادق نيته لمِّك

والحين لا جا يلمِّك قلت ما فيَّه

نسيت صدرٍ يرد الروح لا شمِّك

وشلون صارت ضلوعه منك منفيه

ما ذقت طعم الدفا من بعد حضن أمك

يا ناقص العقل إلا من الضلوع ذيه

كلك تغيَّرت حتى العطر في كمِّك

لا هو بعطري ولا أهواه مو ليَّه

أقول وأحلف بربي .. الذي تمِّـــــك

دامك تغيرت عني ميه في الميه

راح آتغيَّر وأقسِّي القلب وآسمِّك

يحل لي القتل دام أقدر على الديَّه

الخميس، 3 أكتوبر، 2013

شِق ولحاف

 

 

2012-11-25_074928

 

وارد بــحــور الـشـعــر والـقـافـيــة آف

والصدر ضايق من زمن أوف فـي أوف

دولابــه الشـايـك عـلـى القـلـب طــوَّاف

وسكيـن غـدره داخـل الـصـدر معـكـوف

عندي لكم علم الذي مـا سمـع .. شـاف

وإن طالـت الأعمـار لابــد مــا نـشـوف

ذيبٍ عـوى مـن ضيقتـه فـوق مشـراف

واقبل صـدى صوتـه سكاكيـن وسيـوف

في ذا الزمن صاروا الشكاله والاشراف

أنـدر مـن الألمـاس فــي حــد مـجـروف

هـذا يحسـب أمـره كمـا النـون والكـاف

وهـذا يمـاري بـه يبـي مـنـه مـصـروف

مـا لـوم مـن طبـعـه عــواوي وخــوَّاف

يرعى على المنَّـة ويحيـا علـى الخـوف

ألـــوم مـــن ســمّــوه لـلـحــق وقَّــــاف

لا شــد حـبــل الـحــق تـلـقـاه مـلـفـوف

رجَّـال فـي الدنيـا مـثـل أهــل الاعــراف

لا خـيــرةٍ مــنَّــه ولا يـلـحـقَـك حــــوف

يشـوف فـي راعــي المحـابـاة انـصـاف

واللـي يقـول الـحـق مفـتـن و ملـقـوف

دنيـا عجبهـا صايـر أشـكـال واصـنـاف

خـلَّـت مــن الـرجَّـال أشـكـال وصـنـوف

الـلــي تـعــزَّه الـيــوم تـلـقــاه يـنـعــاف

واللـي تعافـه زايـدٍ عــوف فــي عــوف

وشلون صار الطيب والناس ف/ خلاف

وإن الـوفـا بـيـن المخالـيـق مـكـسـوف

مـا عـاد تجمعـهـم عـلـى الــود أحــلاف

ولا عـاد يفرقهـم علـى الطيـب معـروف

مـا يـدروا إن الـمـوت لا طايـفـه طــاف

طـيِّـب ردي تــارك حيـاتـه ومـخـطـوف

وان النـهـايـة كـلـهـا شــــق ولــحــاف

وموقـفٍ جـبـار يشـخـص لــه الـشـوف

يـا قـوة الله

 

 

n8Y8e

 

يـا قـوة الله غيابـك حيـل متعبنـي

شوف التجاعيد في وجهي من آثـاره

علـى فـراش الغضـى هـمَّـي يقلبـنـي

والشوق يرمي من أضلاعي على نـاره

أهـــاود الـوقــت عـيَّــا لا يـهـاودنــي

يخوننـي الـحـظ والأيــام .. غــدَّاره

وإن جـن ليلـي سهومـه مــا تريحـنـي

ألقى الهواجيس من غـاره إلـى غـاره

الليل كنه على طيفك يكايدني

خايف ليا لحت يفقد روعـة أنـواره

وآنا لك الله طريح ومنتهـي ومثنـي

الفقد ضعضع عظامي بشيلـة أوزاره

لا صار قلبي على شوفتك ينهشنـي

والـروح سجِّيـت مـا سجَّـيـت ثـرثـاره

مـا باقـي إلا أقـول يـا الله ارحمـنـي

وأرفق بقلـب(ن) تمـادى فيـه بشَّـاره

الجمعة، 6 سبتمبر، 2013

رحنا وكما رحنـا علـى الهـم جينـا

 

 

__1_~1

يالـريـم حـنَّـا فــي هـواهـم غـلابــه

يــا نعنـبـوهـم مـــا يـحـسـون فـيـنـا

هــو الـهـوى فـيـه الـقـلـوب اتـشـابـه

ولا إحنا بس اللي بناره اكتوينا..؟

الله يـجـبـر كـــل قــلــب ومـصـابــه

لـو كنَّـا نـدري هقـوتـي مــا هويـنـا

قلتـي الهـوى كلـه عــذاب وكـآبـه

مــن دش بـحــره مـــا تـلاقــاه مـيـنـا

أدري ولـــه وســـط الحـنـايـا مـهـابـه

مثـل الظمـا لـو نشربـه مــا ارتويـنـا

الحـب سهمـه لا نـوى القـلـب صـابـه

لـو مــا رمـانـا فــوق سهـمـه ارتميـنـا

الله وكيـلـك مــا جرحـنـي بنـابـه

نـظـرة وقلـبـي بـيـن قبـضـة يديـنـا

الحـب مثـل الـمـوت جــاري كتـابـه

والـلـي كتـبـه الله علـيـنـا رضـيـنـا

مـا كـل ساعـي ينشـد الحـب جابـه

حـنَّـا لفـانـا الـحـب غـصـب ابتليـنـا

نـعـشــق مـعـانـاتـه ولــــذة عــذابــه

نشكـي ونرجـع كنَّنـا مـا شكيـنـا

الحـب يقـتـل فــي وضـوحـه سـرابـه

إمـا .. سـرى فينـا .. وإمــا .. سريـنـا

وأنــا أحــب وأحــب وأعـشـق جنـابـه

لــو الـزمــن سـلَّــط سـيـوفـه علـيـنـا

والله أحـبـه حـــب لـــو هـــو درابـــه

عشـنـا الحـيـاة بحـلـوَّهـا وانتشـيـنـا

مـيـر الـزمـن أرخــى عليـنـا حجـابـه

مـره ضحكـنـا وألــف مــرة بكيـنـا

يالريم كلـي واقـف(ن) عنـد بابـه

قلبـي ينـز لا قـلـت : يــاالله مشيـنـا

قلبـي وقلبـه مــا عطـونـا استجـابـه

مــدري عصتـنـا قلوبـنـا أو عصـيـنـا

مـا قلـت لـك يالريـم حـنَّـا غـلابـه

رحنا وكما رحنـا علـى الهـم جينـا

السبت، 13 يوليو، 2013

أفا يا ضلع في صدري

 

 

tumblr_m0jeg2Oilz1qg0344

 

تعالي وناظري عين(ن) لعينك حيل مشتاقـة

تعالـي وخلـي الدنيـا تزيـن ببسـمـة شفـاتـك

أنـا بعـدك بقـايـا طـفـل مـالـه للـفـرح فـاقـه

يشـوف العيـد والعابـه واحلامـه عـلـى ذاتــك

يـون ويـرسـل الـونـه صــدى ... ويــرد خفَّـاقـه

يواسـي روحـه بروحـه وياكـل لحـم حـزَّاتـك

يقاسمني تفاصيلك خفوق(ن) ناحت اشواقـه

وياخذني حنين(ن) كيف ناره ما بعد جاتك

أعيشك في مدى ليلي شعر و أحلام برَّاقه

يطل الصبح واْنا وليلى أسارى في مداراتك

خذيتي قلبي وعقلي وروح(ن) فيك مشتاقه

وخليتي بقايا انسان يتنفس مناجاتك

أنا وش حيلتي في قلب يعشق حيل خنَّاقه

يحب الجرح دام الجرح فيه آثار بصماتك

أفا يا ضلـع فـي صـدري طعنـي بخنجـر افراقـه

قـويـة حـيــل لا صـــار الـجـفـا أول قـراراتــك

الجمعة، 21 يونيو، 2013

الطـــــاروق

 

 

47127

 

لا غدى الطاروق للطارق طريق

والصدر مليان يشكي من زمانه

يحتري من حيرته وقفة صديق

والصديق الصح ما ينضب حنانه

شالسواة وطاويٍ هالصدر ضيق

وما بقت فـ/النفس للناس استكانة

في ضلوعي من معاناتي حريق

ما ترك للفرح وسط القلب خانة

كيف يهدى من على كتفه طويق

والظروف تزيد همه واحتقانه

في زمن ياحيف ما قد بل ريق

صار كله غدر وآلام وخيانة

وزاده الصاحب على مالا يطيق

فوق جرحه بادر بحربه وطعانه

صاحبٍ يلفاك في وجهك شقيق

وفـ/القفا يجلدك من سطوة لسانه

في زمن سام الخلايق كالرقيق

البشر تنقاس بأموال الخزانة

والفقير يعيش لا خل ورفيق

لو معاني الطيب تجري في كيانه

أدري إن الناس من فص وعقيق

مير زاد الفص من قدره وشانه

كم عرفت اجناس كاسيها البريق

مالها لا شدَّت الدنيا ضمانة

من ضناه الجرح بادر بالزعيق

ما يفرق بين من شانه وعانه

حاله كالأعمى ووضعه كالغريق

راهن بطيبه وما مافاز برهانه

من لقى نفسه وسط لجٍّ عميق

كيف يتجاهل بهاللجة امتحانه

مالنا في الغيب من علمٍ حقيق

كل واحد يحكم بنظرة عيانه

إن شكينا من أسى الوقت الصفيق

واحتوينا الجرح واخفينا بيانه

نزفر الآلام ونرد الشهيق

وما يزال الجرح نابت في جنانه

الخميس، 25 أبريل، 2013

بالهون بالهون

 

I9efO

بــالــهــون بــالــهـــون يـالــمــزيــون لا .. مَـــقْــــدَر

هــــدِّي الـتـثـنـي وخــفــف مـــــن شــقـــى حــالـــي

لــــك حــــق تـغـنــج عــلـــى قـلــبــي وتـتـكـبــر

والله مــــــا اعــاتــبــك لـــــــو صـــــــرت قــتَّــالـــي

لـكـنــه الــشــوق فــــي وســــط الـحــشــا .. أثَّـــــر

لـــه جـمــرة(ن) فـــي الحـنـايـا تـصـلــي الـصـالــي

لا جــــــــن لــيـــلـــي حــضـــنـــت الآه والـــدفـــتـــر

وألــقــاك مـطــلــع قـصــيــدة وســـــط غـربــالــي

الـلــيــل بــعـــدك طــفِـــل يــوقـــف .. ويـتـعــثَّــر

وآنــــا بـوســطــه طــفِـــل مـــــا يــوقـــف اهـبــالــي

اضــحــك .. وأبــكـــي .. وأتـبــسَّــم .. واتــذمَّـــر

شــهــريـــن عـــــــدت وهـــــــذا الـــحــــال مـــوالــــي

يـامــا كتـبـتـك ســطــر يــامــا مـحـيــت أســطــر

الـشــعــر يـطــريــك فـــــي بــالـــه .. ويــطــرالــي

يـلـلـي حـــلا جـوهــرك مـوســوم فــــي الـمـظـهـر

الــزيــن طــاويـــك مـــــن أولْـــــكْ ..... لـلـتـالــي

الــشـــعـــر شــــــــلال عـالـكـتــفــيــن يـــتـــحـــدّر

تــهـــتـــز مــــــــن هــــزتــــه لــلـــريـــح أوصــــالـــــي

والـــوجـــه بـــــــدر(ن) إلا مـــنَّــــه عـــلــــيْ نـــــــوَّر

أقـــــول يــــــا الله اجـــعـــل ذا الـــبـــدر .. فـــالـــي

الـــقــــد مــــيّــــاس صــــبَّــــه صــــبــــة الــمـــرمـــر

والــخـــد بــاقـــة زهـــــر .. والـمـبـســم الــحــالــي

لا مــــــن تــبــســم وبـــانــــت لــمــعـــة الــجــوهـــر

بـــــرق(ن) وشـــــق الـشــفــق .. ومــيَّـــل اعـقــالــي

يــــا تــــوت يــــا شــهـــد لا تـسـتـطـعـم الـســكَّــر

وشــلــون حــالــي عــلـــى حــالـــي عــلـــى حــالـــي

مــــن خــمــرة الـحُـســنِ اقــــرب خـلِّـنــي أســكَـــر

ودي تــصــافــح يـمـيــنــي حـــولــــك اشــمــالـــي

يــــا حــبـــة الـقــلــب اقـــــرب أكــثـــر وأكــثـــر

مـلـعـون أبـــو الـكــون كـلــه دامــــك اقـبـالــي

شــفـــت الــوتـــر لا لــعــبَّــه عـــبـــادي الــجــوهــر

حكيَك …... وصمتك جنون وضحكتك فالي

مـــن شـــاف بــــدر الــدجــى يـمـشــي ويتـمـخـطـر

مـــــا قـــــال إن الــبـــدر وســـــط الـســمــا عـــالـــي

يـــا لــبــى قـلـبــك حـبـيـبـي إنــــت لــــو تـظـهــر

لــلــنــاس لــيــلـــه الــصــبـــح يـتــغــيَّــر الـــوالــــي

يـــا كـاعــب الــتــرب يــــا ريَّــــان .. يــــا أخــضــر

يـــــا درة الـغــيــد يــــــا تــــــاج الـــحـــلا الــغــالــي

أسـألــك كـيــف الـزهــر فـــي وجـنـتـك زهّــــر

وشـلـون فــي بسمـتـك شـمــس الـضـحـى تـلالــي

سـبـحـان مـــن أبـدعــك .. سـبـحـان مــــن صــــوّر

سـبــحــان مـــــن ســيـــرك تـعـشـقـنــي إلــحــالــي

إن كـنــت شـاعــر أنـــا فـــي حـضـرتــك أشــعَــر

لــــو أنــشــد الــقــاف مــــن بــغــداد .. لــبَّـــا لـــــي

عــلــيــك مـــعـــذور أوْلــــــه واكـــتـــب وأســـهـــر

أسـامــرك حـلــم واصـحــى بــــك عــلــى بــالــي

الاثنين، 4 فبراير، 2013

يا قلب

 

 

166177_21196921302

حزات يا قلب لك زلات ما ترحم

وهقتني في الهوى وابليتني بلوى

من بعد شرب العسل جرعتني العلقم

وش ذنبي أثمل بغصات الهوى واروى

يا قلبي هذا زمن فيه الضمير أبكم

والعقل أعمى تقوده للعمى نزوى

ولَّى زمان الوفا .. هذا زمان الكم

قلوب تمسي جريحة وتصطبح تهوى

مغرم تولَّع بمغرم وانتهى مغرم

لعبة وفيها المشاعر كالورق تطوى

ياما نصحتك وقلت أبعد بعيد تسلم

لا طحت يا خافقي ما تنفعك شكوى

بدَّلت ليل السلا غم وهجوس وهم

وأضنيت حالك ما بين الآه والنجوى

ومشيت في درب شايك مظلم ومبهم

تقول تقوى وأنا ادري عنك ما تقوى

هقيت وقتك مثل أول يقول لك سَم

صدقت زيف الغرام ولذة النشوى

أمسيت ترجف ولا كنه بعروقك دم

تندب زمانك وتلعن حظ ما يسوى

الحين تنشد لجرحك في الهوى بلسم

يا قلب محد(ن) رماك فـ/ سكته عنوى