من أنا

صورتي
يامن سألتِ الناس عني إنني = رجلٌ جنون العشق في صفحاتي

الخميس، 2 يناير، 2014

يـا معـي .. ولَّا مـعـي .. ولَّا مـعـي

 

 

معي

 

كيف أرحل وانت ساكـن .. بالضلـوع

ويـن مـا وجَّهـت يالغـالـي .. مـعـي

شوفني وأنتَ وسط صـدري .. ألـوع

ليتـك بصـادق أحاسيسـي .. تـعـي

مير شفت الدل بعيونـك .. خضـوع

والتباهـي منـك جـاوز .. مسمعـي

الهـوى فـي نظرتـك لـه ألـف .. نـوع

مختلف عن منهجي عن .. مطمعي

فـي خيالـك لـه سراديـب .. وفــروع

والهـوى واحـد يعـيـش .. بواقـعـي

انتبـه لـي زيـن وانصـت .. يالقطـوع

لا تظـن إنــي مـثـل .. مــا تـدعـي

حبي لك كالشمس في عز .. السطوع

والوفـا والطيـب أصـلـه .. منبـعـي

كنت أنا كلِّي لجـل عينـك .. شمـوع

والدفـا لـك جذوتـه مـن .. أضلـعـي

لا غزاني الضيق نادمـت .. الدمـوع

ثـم جيتـك لجـل تمسـح .. أدمعـي

لـو تظنـه ضعـف منـي .. يالخنـوع

عـزَّت الدمعـة وعـافـك .. مخـدعـي

تدري إن الشوق لـه حرقـه .. وجـوع

وبينهـم ألمـح حقيـقـة .. مصـرعـي

يعني حسَّـك لا تفكـر فـي .. النـزوع

حـب عايـش لا تسـوي لـه .. نـعـي

خـل قلـبـك فــي محبتـنـا .. قـنـوع

مـا انخلـق إنسـان ياخـذ .. موقعـي

حبـي لـك مافيـه خيـرة .. للرجـوع

يـا معـي .. ولَّا مـعـي .. ولَّا مـعـي

ليست هناك تعليقات:

إرسال تعليق