يابوح ..

يــــــا بــــــوح جــيــتــك أنـــثــــر الـــهــــم وآبـــــــوح عــــلَّ الـخـفــوق لا بــحــت بـالــســد يــرتـــاح

هــــذا الـخـفــوق الــلــي لـــــه أيـــــام مــجـــروح مــــايــــدري إن الــــحــــب ظــــالــــم وســــفـــــاح

والله مـالــي فـــي مـنـهـج الـعـشـق مـصـلــوح مـيـر الـهـوى لا صــاب لــب الفـتـى طــاح

وآنــــا لــــك الله مــــن أول الـعـشــق مــذبـــوح الــحــظ خـصـمــي وســيــف الأيـــــام ذبـــــاح

أحيـا جسـد والـروح..؟.. ماعـاد بــه روح حسبي على اللي عادته خطف الأرواح

غــــرو(ن) تــجــاوز بـالـحــلا كــــل مـمــلــوح الـلـيــل شَــعــرَه .. والــوجــه بـــــدر وضـــــاح

جــيـــده عــلـــى مـتــنــه كــمـــا بــــــارق يـــلـــوح والــــقــــد مــــبــــري كــــنّــــه غــصـــيـــن لـــــــــوّاح

لا مــــن تـثـنــى يـصـفــق جـــــروح بــجـــروح مـحـد(ن) لـمـح خـطـوة حبيـبـي ولا صــاح

بــيــنــي وبــيــنــه عـــهـــد وأحــــــلام وطـــمــــوح وحـــــب لـــــو يـغــشــى قــلـــوب الـبــشــر لاح

وبـيــنــي وبــيــنــه مــعــنــد الـــحـــظ بـــوضـــوح لا طــاب لــي جـــرح(ن) تـبـلانـي بـجــراح

ويــــش الــســـوات وعـيـشـتــي هـــــم وجــنـــوح والــحـــزن فــــــي داخــــــل حــنــايــاي ســــــوّاح

لا جـــــن لـيــلــي أســطـــر الـــجـــرح وآنــــــوح يمكـنـي لا فضفـضـت عالـسـطـر بـارتــاح

مــــــا فـــادنـــي كـــثـــرة ســكــاتـــي ولا الـــبــــوح الــحـــظ ضــــــدي وســـيـــف الأيــــــام ذبــــــاح

بعض الشظايا

الذيـب ذيـب ويتـبـع الكـلـب راعـيـه وش حـــال كـلــب وراعـيـتـه الـبـغـايـا

يــدري تعـوفـه مـيــر ضـاعــت مـرامـيـه يـحــيــا عــلـــى الـــذلـــة ولـــعـــق الـبـقــايــا

مثل النصيري ظاهره عكس خافيه يـضـحـك بـوجـهـك والـنـوايـا ســوايــا

صحيـح إن الكـاس ينضـح بـمـا فـيـه وكــلـــن ولــــــه عـــنـــد الـمـخـالـيــق رايــــــا

يـا سامـعـي افـهـم قصـيـدي ومرامـيـه وحـصــحــص الـمـعـنــى بــكـــل الــزوايـــا

قصيـدك اللـي كـنـت أعــدّل مبانـيـه وشـــلـــون تـــرمـــي مـعـلــمــك لـلـرمــايــا

ما جابك إلا قلب ماطاب شاويه حـقــد (ن) دفـيــن ثـــم ســــوء الـنـوايــا

وإلا أنـــا بــاأزيــد تـيـهــك عــلــى تــيــه واسقيـك مــن كــاس القـوافـي المنـايـا

وألــــــم قــلــبــك وافـــــــرده ثـــــــم أطـــويــــه عـنـدي الـسـلا يـومــك تـزيــد الـرزايــا

تــقــديـــر لـلــمــنــزل ونـــاســــه وراعــــيــــه مـاجـاك مـنـي غـيــر بـعــض الشـظـايـا

إركـد تــرى مثـلـك لا فــارق مراسـيـه آخر مصيره فـي كشـوف الضحايـا

مـنــزل يـلـمـك يـشـهــد الله مــــا ابــيــه مابه قصور(ن) ميـر بأنهـي الحكايـا