جيتكم بالغـي

 

 

مـن سمـع غيـر الـذي .. بالعيـن شـاف

وآنــا شـفـت نـفـوس بــان .. ارجـافـهـا

ترجمـوا التقـديـر .. ظنـونـي أخــاف

نـعـنـبـوهــم حـــدَّهــــم .. مـيـهـافــهــا

كم تمـادوا يزرعـوا .. بـذر الخـلاف

وكـم صـبـرت إلـيـن قلـبـي .. عافـهـا

يا نفوس(ن) شرها .. استشرى وطاف

ف/ الخفـا جتـنـي عـلـوم .. احلافـهـا

تشبه الحوثي على .. جبهـة كتـاف

مـــيـــر زادت غــيَّــهـــا .. واجـحــافــهــا

النفـوس اللـي .. مـن الظـاهـر نـظـاف

والعـفـن كـامــن بـوســط .. لحـافـهـا

والله اللي سـن .. فـي مكـة الطـواف

ضـقـت مــن نفـسـي ومـــن .. إنصـافـهـا

جيتكم بالغـي .. وأيـام(ن) عجـاف

والـدهـاء والمـكـر فــي .. أكنافـهـا

روسكـم مـا دامهـا .. تهـوى القـطـاف

ابــشــروا بـالـلــي يــحــب .. قـطـافـهــا

طفـل دونـه ملـوك الأرض

 

 

زمن ما عـاد يبـي يفهـم لأن النـاس .. مـا تفهـم

تمـوت أجيـال وتتـوارى مآسيهـا بوجـه .. اجيـال

غدى فيه العمى مبصـر يدنـدن نغمـة .. الأبكـم

يشوف النـاس بعيونـه شريـط ويسمعـه .. مـوَّال

صغـيـر(ن) ذوَّق الحـكَّـام طـعـم الـمـر .. والعلـقـم

وبيَّن واقـع اشيـوخ(ن) تسِيـس الديـن .. للدجَّـال

كتـب دمَّـه ألـم أمَّـه تعيـش بواقـع(ن) .. مُبهـم

تـوارت بـيـن هــز الخـصـر والخلـخـال .. والطـبَّـال

كشـف عـورة مسـاؤنـا .. لـمـن يعـلـم .. ولا يعـلـم

ونعلم بس ما نعلـم حجبنـا الشمـس .. بالغربـال

طفـل دونـه ملـوك الأرض عرايـا حيـل .. تتـقـزَّم

رجال اشلـون وأمتنـا رهينـة بيـد شبـه .. رجـال

يلعنهـا الـزمـان الـلـي بمـجـده زيــف .. تتـرنـم

تلوكه مثل علكة عز حطـت فـي ضـروس .. انـذال

نشوف المعتصـم أمسـى أجيـر لخـادم(ن) .. أعجـم

وحامـل رايـة التوحيـد يمـارس مهنـة .. الـزبَّـال

وصلنا إلـى بـلاد السنـد ولا شـاف الفقـر .. معـدم

وصرنـا فـي بحـار النفـط نتـسـول فـتـات .. ريــال

كسـرنـا رايــة الاســلام وقـلـنـا عـلَّـنـا .. نـسـلَـم

لقيـنـا الـــذل فـوقــه ذل وزدنـــا ذلـنــا .. إذلال

نشوف الموت يتباهى بدمعـة طفـل لـم .. يُفطـم

وُلِد في عالـم(ن) ظالـم .. وديـد المرضعـة .. أهـوال

صغير(ن) ضعضعت ظهره حمول أيام .. ما ترحم

كـأن الوقـت مـا حـب الطفولـه وحـوَّلـه .. رجَّــال