من أنا

صورتي
يامن سألتِ الناس عني إنني = رجلٌ جنون العشق في صفحاتي

الأحد، 27 أكتوبر 2013

ودي أكتـب فيـك شـي

 

 

57414_imgcache

القـلـم مــن حــد ضـلـع .. سـنَّـه الـوقـت وبــرى

ودواة الحـبـر دمـــع .. خـالـطـه نـــزف الـوريــد

ودي أكتـب فيـك شـي .. عمـر أمـه مـا انـقـرى

مـا طـرى لشيطـان شعـر ولا تباهـى بــه قصـيـد

شفـت شيطانـي خذلنـي وعــاذره .. لــو مــا دري

كل معنى فيـك يولـد.. ينتهـي بعـدك فقيـد

يـدري إن الليـل بعـدك حــط حيـلـه مــا ســرى

ويدري ان البـدر دونـك يـا بعـد عمـري شهيـد

ينـتـهـي حـــد الـخـيـال وتـــوَّه احـسـاسـه .. ذرى

زارع الفكره لعينك وانتهـى كلـه .. حصيـد

وش يقول وهـو يشوفـك يـا ورى .. غيـر الـورى

وانت مثل الشمـس كـل مـا قاربـت تبعـد بعيـد

جاب فكره عاف فكره باع فكره .. واشترى

وانتهى فكر المفكـر واكتشـف إنـه .. بليـد

ما ألومه لأن وصفك .. لو عَـدَل فيـه .. افتـرى

كل ما يعطيك وصـف .. اقاطعـه واقـول .. زِيـد

ليست هناك تعليقات:

إرسال تعليق