أبـــدأ بـذكــرِ الـخـالـق الـديـانـي
الـواحـد الـفـرد الصـمـد سبـحـانـه
رب(ن) غمرنـي بنعمتـه وأعطـانـي
نفـس(ن) عزيـزة عالـيـة منصـانـه
ثـم الصـلاة علـى النبـي العدنـانـي
الخاتـم الـهـادي عظـيـم(ن) شـانـه
خـط القـلـم مــا دار فــي وجـدانـي
شـاعـر تتـرجـم كلمـتـه وجـدانـه
مـن نـار فـي وسـط الحشـا تصـلانـي
أدمـت خفـوقـي واحـرقـت ضلعـانـه
عن حال شعب(ن) في براثن جاني
زايد في ظلمـه واضـح(ن) طغيانـه
فكـره مجوسـي ومعدنـه نصـرانـي
كـلـب الـيـهـود وكـلـهـم أعـوانــه
أمـســى يـحــز بـسـيـفـه الإيــرانــي
رقـــاب أهـــل الـسـنــة المـنـضـانـه
حتى الخسيـس وحزبـه الشيطانـي
فـي نصـرة الطاغـي صــدر إعـلانـه
والـلـي يمـوتـوا يــا عــرب أخـوانـي
يا حيـف حُـرّ(ن) مـا نصـر أخوانـه
وقــادة الأمـــة فـــي عـالــم ثـانــي
كـل(ن) وهـمـه عـرشـه وسلطـانـه
لا وازع(ن) ديـــنـــي ولا إنــســانــي
الخـوف وســط قلوبـهـم لــه خـانـه
هابـوا المجـوس وقفـلـوا البيبـانـي
والحق حصحص وانكشـف تبيانـه
عــزي لجـيـش(ن) منهـجـه قـرآنــي
هــــز الـطـغــاة بـقـوتــه وايـمــانــه
جيش(ن) وقف ضد العدا وحداني
خـالـف ظـنــون الـعـالـم التعـبـانـه
اهـتـز لــه كـسـرى مـــع اللبـنـانـي
والرافـضـة مـــن وقـفـتـه حـيـرانـه
حـــــر الإرادة راســـــخ الايــمــانــي
بـقـيــادة الأســعــد مــــع أركــانــه
والـكـل بـعـده صــاح وانــي وانــي
مــــا يـنـلـحـق والأولـــــه عـنــوانــه
الـصـقـر بـيَّــن مـوقــف الـغـربـانـي
غـربــان كــنــا نـظـنـهـا شـيـهـانـة
متـمـريـسـة بــــإرادة امـريـكـانــي
والبـيـت الابـيـض قبَّـلـوا جـدرانــه
كل(ن) على شعبه غـدى ساسانـي
يحسب حقوق الشعـب مـن إحسانـه
مـثـل النصـيـري نهجـهـم بالـسـانـي
لا ثــــار شـعـبــه بـــــادر بـنـيـرانــه
واقــع مـريـر خلاصـتـه يـــا عـانــي
شعب(ن) سجيـن وحاكمـه سجَّانـه
يـشــوف خــيــره وجـهـتــه بــرَّانــي
جـايــع وغـيــره بـثـروتـه شـبـعـانـه
واللهِ الـلــي مـــن الــثــرى ســوَّانــي
مـسـلـم مـوحــد قـــاري(ن) قـرآنــه
بـي حـرَّة(ن) فـي داخلـي تنصـانـي
ليـه أمتـي أمسـت كـذا منهانـه ..؟
شــام العـروبـة تـصــرخ وتنـخـانـي
وألقـى الجـهـاد مقفَّـلـة بيبـانـه ..؟
يا خالـد(ن) والكـون كلـه فانـي
مالـه شريـك(ن) أرتـجـي غفـرانـه
وحـدك إلهـي عالـم(ن) باحزانـي
خفف علـى عبـدك لظـى أحزانـه
ودي أمــــوت وهـدمـتــي أكـفـانــي
والـشـام قـبـري وغرسـتـي ريحـانـة
ليست هناك تعليقات:
إرسال تعليق