أعرف أنثى لامشت فوق الثرى
كنَّها تمشي وسط قلبي أنا
في حلاها ما أظن عيني ترى
لآْنها مخلوقة من ومض السنا
من يقول الحُسن ما فيه افترى
والعذارى دونها ذقن الفنا
ترتجف لعيونها أُسْد الشرى
بالغه في حسنها حد الغِنا
خلقة الله ليت من حط وذرى
عظَّم المبنى وسبَّح من بنا
حرة(ن) لو تامر الساري سرى
والبدر لو شافها دن ودنا
طرفها أبيات شعر(ن) تنقرى
وثغرها لا من حكى تسمع غُنا
الزمن لعيونها يرجع ورى
كلما تكبر حلاها شدنا
عالثرى ما مثلها سارت مرَى
تحترق ساره وتلحقها مُنا
يوم لاحت لاحت رقاب البرى
كن حور العين حلَّت بيننا
كل شي(ن) مر في بالي وطرى
من حكاوي الحب إلى ضرب القنا
تهت فيها كني قيس وعنترى
وانتبهت وفي الحشا حرقة ضنا
أقبلت تسأل وجرحي ما برى
مير أدارى بضحكتي وجه العنا
أقبلت في حالة إللي ما درى
وين سارح وين ساهي عننا
قلت أجمل ما خلق ربي وبرى
حطني ما بين أحزان وهَنا
مايس الأعطاف خطَّاف الورى
لا تمخطر كن مشيه دندنا
يخرب الدنيا ويسأل وش جرى
وألف جني في حضوره مسَّنا
إضحكت يا زين ذيك الكركرى
وامسكت كفي وخفَّاقي رنا
لملمتني بعد ذيك البعثرى
واعتدل حظي بعد طول انحنا
مـــن بــــلاد الــشــام إلــــى أم الــقــرى
وارتكـت فـي جانـب الخـافـق هِـنـا
ليست هناك تعليقات:
إرسال تعليق